Ujor ka HYC ba thut ka suk ka sain ha War Jaintia

Shillong: Ka Hynñiew Trep Youth Council War Jaiñtia Circle hapoh ka jingialam u President u samla Yoodahunki Shylla la leit ban buh dorkhas sha u Superintendent of Police,West Jaintia Hills u Bah Lakador Syiem halor ka jingthut ka imsuk imsaiñ u paidbah nong shong shnong ka War Jaiñtia. U Publicity u Riki Mukhim u la iathuh ia u SP “Kat kumba long mynta ha War Jaiñtia shibun ki kam thombor kiba iai jia naka por shaka por kiba pyntieng pyn smiej bad pynkhih win ia u paidpah ka thaiñ” shuh shuh u la bynrap dakaba ong “U paidbah naka jingtieng jingsmiej teng teng um nud ban pynpaw iakaba dei ban pynpaw iaka jingshisha”.

Hakatei ka jingia kynduh la ia phylliew jingmut shibun ki mat ba kongsan, khnang ban lah ban teh lakam iaki kam thombor haka imlang sahlang.
Nalor nangta la leit ia kynduh ia u officer incharge ka tnad Municipal Board West Jaintia halor ba mih ka jingsma naka jingtheh niut ha Wah Mynkjai kaba ktah iaka koit ka khiah u paidbah nongleit nongwan lyngba u surok Amlarem-Jowai.

Na katei ka jingiakynduh u President u la ong “dei ban leh haka rukom kaba dei khnang bakan nym ktah iaka koit ka khiah u paidpah” Nalor nangta la dawa ruh ban pynkynriah noh iakatei ka jaka theh niut, namar katei ka jaka kam iahap ban theh niut hangtei. U Officer incharge katei ka tnad u la kular ban shimkhia ban phah leit pynkhuid iakitei ki niut daka jcb la sngi nyngkong. Halor ka jingdawa ban pynkynriah iaka jaka theh niut u la iathuh ba kat kumba long mynta naka liang ka tnad jong u naka por shaka por kila ialeh shitom ban pynsngew shaki bor ba halor ban wad daka jaka kaba iahap ban theh niut kat kumba la dawa ka por.
Hadien nangta la leit ban buh dorkhar sha u officer ka tnad bording MeEcl west Jaintia halor ba bun naki post bording kiba la synjor ha War Jaiñtia kiba buh jingma iaki Paidbah ka thaiñ. Shuh shuh u President u la pynsngew ba naka jingsynjor ki sainar bording kiba don hajan ka Nongtalang Govt.Secondary School kiba buh jingma iaki khynnah skul, kumta u la kyntu ban phah leit maramot noh khnang ban lait naki jingjia ba sngewsih. U Officer katei ka tnad u la kular bala shai ka sngi saitjain un phah iaki briew jong u ban leit pynbha iakitei ki sainar bording ha Nongtalang.