Thep kyrteng ki khyllah jait, ha ka Bordet hat Bholaganj

Shillong: Ha ka 29tarik u bnai ba ladep, U President bad General Secretary ka K.S.U South Khasi Hills Unit Sohra, ki la ia kynduh ia u M.L.A jong ka thaiñ Bah Balajied Kupar Synrem bad ia u B.D.O jong ka Shella Bholaganj, ba bun na ki nongthep kyrteng ki dei ki khyllah jait, ha kaba iadei bad ka jingplie ia ka border hat ha Bholaganj. Ka Seng ka ban jur ia ki para ri ba kin mih kloi noh ban thep kyrteng lada don kino kino kiba kwah thep kyrteng khamtam kito kiba don ha ki thaiñ Border.

Ka Seng ka Maham jur ia U Syiem ka Hima Sohra, ki Sordar jong ki thain Border ba kin nym ailad ia u no uno khyllah jait ba un thep kyrteng. Lada lap ia kino kino ki khlieh Nongsynshar kiba pdiang ia ki kyllah jait bad kiba ai NOC ka Seng kan sa ai da ka jingsaja kaba tyngeh.

Ka Seng ka la sngewdei ba ia ka khaïi ka pateng dei ban ioh shwa u Trai ri Trai muluk bad la lada ym ioh ma ngi ki Trai ri trai muluk ka Seng kan pynsangeh noh ia ka jingplie ia katei ka Ïew.
Ka Seng kaba la byrngem shen kan leit ia kynduh ia u D.C ka East Khasi Hills halor jong katei ka kam.