Diaw ka FKJGP, halor ka rukom pyniaid kali ha Khyndailad

Shillong: Ka Federation of Khasi Garo and Jaintia People (FKJGP) mynta ka sngi ka la pynpaw ia ka jing bym biang ka rukom pyniaid kali thymmai na Khyndia Lad shaduh Motphran.

Ka FKJGP ka la pynpaw ba ka rukom pyniaid kali khmatam ban rung na Khyndai Lad ka buh jing ma ia ki nong iaid lynti namar ka long kaba khapngiah palat. Ka seng ka la pynpaw ruh ba ki dang bun ki paidbah khamtam ki draibar ki bym pat sngew thuh bha ia ka rukom pyniaid kali thymmai bad kane kan buh jing eh ruh ia ki khynnah skul ha ki por ba long skul namar ka jing dheng kali palat na kane ka rukom pyniaid thymmai.
Na ka liang ka FKJGP ka la kyntu ia ka tnad pyniaid kali ba ka dei ban phikir bha ha ka rukom thaw kyndon iaid kali khamtam ha Motphran bad Khyndai Lad ban tehlakam ia ka jing dheng kali.