Shillong: Ha ka sien kaba saw, ka Mizoram bad ka Punjab kin iaknieh ia ka nam lahduh ka Hero Junior National Football Championship jong ka Dr BC Roy Trophy kaban long lashai ka sngi ha madan JN Stadium, Shillong por 1:00pm. Ha kane ka jingialehkai, yn nym don eiei ka jingkhrong ia ki nongpeitkai, bad la khot sngewbha ia baroh ban wan sakhi.
Ka Mizoram ka la rung sha ka phainal hadien ba ka la pynliem ia ka Meghalaya katba ka Punjab ka la pynliem ia ka West Bengal.
U manager ka Mizoram u Hmingsanga u la ong ong ba u burom ia ka Punjab hynrei yn iakhun ban lehkai bha ban jop ia ka thong lashai ka sngi.
Haba kren sha ki lad pathai khubor mynta ka sngi, u Hmingsanga u la ong ba ka Mizoram ka sngew kmen ban ialeh ia ka Meghalaya ha ka semi phainal.
“Ngi kyrpad ia ka Mizo Students Union, Young Mizo Association bad baroh ban wan ban kyrshan ia ngi ha kane ka jingiakhun lashai”, la ong u Hmingsanga.
Ha kawei ka liang, ka Punjab ka la pynkhreh bha triang na ka bynta ka jingiakhun lashai ka sngi. “Ngi la don ki nongialehkai kiba mynsaw hynrei kiwei ki biang kiba khlain ban ai ia kaba bha tam lashai ka sngi”, la ong u manager ka Punjab u Davinder Singh.
U la ong ba ka Mizoram bad ka Punjab ki dei ki kynhun kiba biang tam.
Phi don ban ong eiei?