Dro lain ki pulit, ia ki paidbah ha Barik

Shillong, 6 Nailar:
Ki pulit pyniaid kali ka Shillong ki la dro da u lain ban iaid paidbah ha surok na Barik Point sha Shillong Civil Hospital (SCH), namar ba kane ka jaka ka dei kaba ma bad kaba iaid bun ki kali.
Ia u dak zebra u bym ju don ha ka nongbah, la dro biang khnang ban pynsuk ia ki paidbah nongiaid lynti khamtam ia ki khynnah skul ban kam na shiliang sha shiliang ka surok.
U SP ka East Khasi Hills Bah M Kharkrang u la iathuh ba ki lain rong stem ba beit la dro ha surok ban ai dak ia ki kali ban iaid bad ban sangeh haba ai dak ki pulit pyniaid kali, katba u lain rong stem ba ker, la ai dak ia ki nongiaid lynti ban sangeh bad ban ap shwa ba kin iaid.
“Ngi kyrmen ba da kaba leh kumne, ngin lah ban pynbeit ia ka jingsahkut kali bad ruh ban iarap ia ki paidbah nongiaid nongieng”, la ong u Bah Kharkrang bad bynrap, ba yn leh ia kane ka rukom sha kiwei ki jaka jong ka sor ruh kumba leh ha Barik Point.
Ha kajuh ka por, ka tnad pulit kan pyndonkam shuh shuh ia ki pulit pyniaid kali ha katei ka jaka ban pyni ia ka rukom ia ki kali bad ki nongiaid paidbah.