Na painkhana Hospital phet krad u GNLA, 8 ngut ki pulit pahara

Shillong,6 Nailar:
Uwei u suba GNLA uba la tip kyrteng kum u Bishnu M. Sangma u la ioh ban phet krad napoh ka Hospital sorkar, kaba don ha Williamnagar, East Ga ro Hills. Utei u suba GNLA u dei uba dang don hapoh ka jingtohkit ka kashari ha Williamnagar District Jail. U Bishnu u dei uba la shah kem ha ka por ba ki pulit ki la leit ban khynra lehnoh ha ka shnong Mikilsimgre kaba jngai kumba 19 kilomitar na ka sorkar Williamnagar, la kem ia u ha ka 23 tarik u jylliew.
Utei u suba GNLA u la don hapoh Hospital namarba u la ud pang, bad dei ha ka por ba u la rung shapoh painkhana ban leit shabar ba ki pulit pahara ki la ap shabar ka painkhana, hynrei hadien kumba 20 minit eiei ba utei u lehnoh um mih shuh na painkhana, ki pulit pahara ki la suba sniew ioh ba u la phet krad noh , bad ha katei ka por ki la pynpait ia ka jingkhang bad lap ba u briew um don shuh hapoh.
U SP ka East Garo Hills u Davies Marak, u la ong utei u lehnoh u la ioh ban phet krad lyngba ka jingkhang rit jong katei ka painkhana ( sky light) bad katei ka jingjia ka la jia ha ka por 3 baje mynstep, “Ngi la hukum ban tohkit halor katei ka jinglait phet utei u lehnoh bad aiu ki 8 ngut ki pulit pahara kiba don ha ka kam ki la leh ha katei ka por” ong u Marak.
U Bishnu u dei u paralok ba ia jan bha bad u Area Commander ka GNLA na East Garo Hills u Ajan Momin uba ju khot sin kum u Jimmy, iathuh ki khubor pulit , lah ban pynkynmaw hangne ba katei kam dei ka sien ba nyngkong ba ki lehnoh kin ioh phet krad na Hospital . Haka 23 tarik u jylliew u dkhot ka United A’chik Liberation Army (UALA) u Rex Miller R Sangma u la ioh ban phet krad na Tura Civil Hospital.