Pynrem nongbat bor ka Lumshnong

Shillong,5 Nailar:
Ka Dorbar Shnong Lumshnong ka la pyn paw ka jingsngew khia halor ka jingjia kaba la jia ha ka 27 tarik u naitung ha ka por 1:30 baje mynstep ha ka ba uwei u briew u ba kyrteng David Khongsit ba na ka Shnong Nongsawlia uba trei hapoh Company CMCL (Star Cement) u la thmu ban leh iaka kam pap kam sang ia kawei ka long kmie ka bym kwah ban pynpaw kyrteng haka por ba kane ka briew ka dang ioh thiah lang bad la i khun rit jong ka iba dang phra bnai, une u briew u ba sah quarter sha poh Star Cement u la wan ban ialehkmen sngew bha (Party) ha ing sah wai jong u wei u paralok ba ia trei lang ha kaba u la khot sngewbha ia u lem bad kiwei ki paralok ba ia trei lang namar ba u la ioh kam sorkar, ha kane ka miet baroh ki para basah wai ba marpyrshah bad ba iajan ki la ialehkmen lang, hynrei une u David Khongsit pat u shim kabu ban leh ia kane ka kam pap kam sang ha ka por ba u lok jong kane kmie um don ha ing.
Kumta na ka liang ka Shnong kala pynrem jur ia une u briew bym don shuh iaka mynsiem iatip lem, bad ka Shnong kala kyntu ruh iaki bor jong ka ain ban pynshitom tyngeh ia kum une u briew khnang ba kiwei kin ym mlien ban leh kum kane ka kam poh jait ba pynjah burom iaka long rynieng bad iaka imlang sahlang.
Kumta ka Shnong ruh ha ka Executive kaba la long ha ka 2 tarik mynta u bnai ka la sngewkhia haduh katta katta ia kane ka kam pohjait jong une u briew ba pynjah burom wat iaka Shnong ka thaw bad da kawei ka jingmut la rai ba une u briew u dei ban mih noh napoh ka Area jong ka Shnong hapoh shi taiew, namar ka Shnong kam sngew tynnad ban iohi kum ia une u jait bynriew bym don ka rain ka rem, pynkut u kyrwoh na u secretary Shnong Lumshnong u bah T.S Rupai.