Ha ka DC ujor ka FKJGP Upper Shillong Circle, ba maham siat ki shipai Air force ia ki briew ba iaid lyngba

Shillong: Ka seng Federation of Khasi Jaintia and Garo People (JKJGP) mynta ka sngi ka la leit buh ia ka jing ujor hapoh ka ophis treikam ka Deputy Commissioner (DC) ka East Khasi Hills pyrshah ia ka hukum ba la pynmih da ki shipai ka Air Force Upper Shillong ban siat ia ki briew ba iaid lait lyngba ki jaka jong ka Air Force.

Ka seng FKJGP ka la kynthoh ba ki shipai ka Air Force ka ba don ha Hynniew Mer (Upper Shillong) haduh Mawnianglah bad Mawkhan ki la tah ia ki hukum ha ki kynroh ba la ker ia ki jaka jong ka Air Force da ka ong ‘Trespassers will be shot’ da ka ktien phareng bad ‘Trespasser yn siat’ ha ka ktien Khasi.

Ka seng ka pynpaw ia ka jing sngewkhia halor ka jing byrngem ki shipai ka BSF da ka ba ong ba naduh u snem 1963 haduh mynta kam pat ju do kano kano ka jing kynad hapdeng ki briew jong kane ka thain bad ki shipai ka Air Force.

Na ka liang ka seng ka la kyntu ia ka ophis treikam ka DC ban tuklar halor ka jing byrngem ki shipai ka Air Force.