Shah lute ka bank T.30 lak

Itanagar, 3 Nailar:
Ha ka sngi saitjain, ki runar kiba la kieng atiar bha kiba wan da ka thuk thuk ki la ioh ban lute T.30 lak tyngka na kawei ka tnad jong ka Vijaya Bank kaba don ha Doi mukh hajan ka nongbah Itanagar. Ki la don lai ngut ki runar kiba la kieng atiar bha kiba la wan sha katei ka bank kaba don hapoh Rajiv Gandhi University, ki la wan ha ka por 12 baje shiteng sngi bad ki la siat pynher syrngiew ar kuli sharud katba ki dang lum ia ki pisa na katei ka bank, iathuh u IGP Indrajit Shukla.
U Cashier katei ka bank u la dei kuli na lbong bad u don hapoh Arunachal State Hospital ha Naharlagun. Ki pulit ki la ioh ban kurup ia ka thuk thuk ba la pyndonkam da kitei ki runar. Ka dei ka sien kaba –ar ba katei ka bank ka shah lute tang hapoh shibnai.