Ki myntri ban pynher lama India

Shillong, 3 Nailar:
Ka sorkar ka la pynbeit pali ia ki myntri bad ki parliamentary secretaries ban leit pynher lama India ha man ki jaka ha ka jylla ha ka sngi Laitluid.
Ka jingialang jong ka kynhun Myntri ha ka sngi thohdieng ka la pynbna ia ki kyrteng jong ki Myntri bad ki Parliamentary Secretary ki ban leit pynher ia ka Lama Lairong jong ka Ri ha baroh kawei ka Jylla ha ka jingrakhe ia ka Independence Day jong ka ri. La buh pali ba u Myntri Rangbah ka Jylla, Dr. Mukul Sangma un pynher ia ka lama ha nongbah Shillong ka ban long ha Madan Polo, u Dr. RC Laloo, Symbud Myntri Rangbah un don ha Resubelpara, u AT Mondal Lamphang ka Ingdorbar Thawain ka Jylla un don ha Tura, u Bah DD Lapang Chief Adviser ka Sorkar un don ha Nongpoh, ka Kong Roshan Warjri Myntri Kam Pohing kan don ha Williamnagar, u Clement Marak Myntri ka tnat Bording un don ha Nongstoin, u Bah A.L Hek Myntri ka tnat ka Koit ka Khiah un don ha Jowai, u Ma Sniawbhalang Dkhar, Myntri PWD un don ha Baghmara, ka Kong Kong Ampareen Lyngdoh Myntri Kam Pynroi Sor kan don ha Mawkyrwat, Bah HDR Lyngdoh Myntri ka tnat GAD un don ha Khliehriat, u Zenith Sangma Myntri ka tnat ialehkai un don ha Mairang, u Ma Justine Dkhar Parliamentary Secretary un don ha Amlarem, u W Marak Parliamentary Secretary un don ha Dadenggiri, u Ma Robinus Syngkon Parliamentary Secretary un don ha Patharkmah, u Ma Stephan Mukhim Parliamentary Secretary un don ha Mawshynrut bad u Ma Comingone Ymbon Parliamentary Secretary un don ha Shangpung.