Leit ai kyrteng ia 16 ngut ki MDC ka UDA sha u Lat ka jylla, kynthup ia ka kong Grace M Kharpuri

Shillong: Ka Kong Grace M Kharpuri mynta ka sngi ha ka jingleit ia kynduh ia u Lat jong ka jylla u Tathagata Roy, ka la ai da ka jingthoh sha u Lat ka jylla ban pyntip ba kala mih na ka kynhun United Democratic Forum (UDF) bad kala pyniasoh bad ka United Democratic Alliance (UDA).

Ha kane ka juh ka shithi ka la kyrpad ia u Lat jong ka jylla ba um dei ban pdiang ia ka kyrteng jong ka kumba la phah da u CEM jong ka KHADC u Bah Latiplang Kharkongor, kum ka Dy CEM hapoh jong ka KHADC.

Mynta ka miet ka kynhun jong ka United Democratic Alliance (UDA) hapoh ka jingialam jong u bah Pyniaid Sing Syiem, ki la leit ban ia kynduh ia u lat ka jylla u Tathagata Roy ban ai ia ki kyrteng bad ban pyntip ia ka jingdon jong ki 16 ngut ki MDC na UDA.

U bah Pyniaid sing Syiem u la iathuh ba ka jingiakynduh ka long halor ban ai ia ka thup, jong ki 16 ngut ki MDC ba don ha ka kynhun UDA bad ha ka jingiakynduh ki la kyrpad ia u Lat ka jylla ba un bishar bniah ia kane.

U bah Pyniaid u la iathuh ruh ba na ka liang jong u Lat ka jylla u la ong ba un sa da bishar bniah ia kane ka kam, wat la ka la don ka rai jong ka iing bishar jong ka High Court jong ka jylla Meghalaya.