Jop ka Jharkhand bad ka Punjab ha ka jingiakhun ka Dr BC Trophy

Shillong: Ka Punjab bad ka Jharkhand ki la jop ia ki jingialehkai jongki kaba long mynta ka sngi ha ka lympung ka Hero Junior National Football Championship jong ka Dr BC Roy Trophy kaba long ha JN Stadium, Shillong.

Ha ka jingiakhun haka Group B, ka Punjab ka la pynliem da 3-0 ia ka Kerala. U Seilenthang Lotjem u thep ar kol ha ka 34′, 81′ katba u Rohit u thep haka 80 minit. Ha kawei ka jingialehkai, ka Jharkhand ka la pynliem ia ka Manipur da 1-0 lyngba ka jingshut penalty da u Thiyam Amujao Meitei (66′).
Ha ka Group D ha madan balai, ka West Bengal bad ka Jammu & Kashmir kila iakhaid khlem don ba lah ban thep kol bad kila iasam mar shi point katba ka Karnataka ka la iakhaid bad ka Chhattisgarch da 2-2. Ia ka Chhattisgarh la thep da u Amit Nag (39′) bad Pritam Limbu (53′), katba ia ka Karnataka la thep da u Elangbam Tondon Meitei (72′) bad Shreyas Ketkar (75′).
lashai ka sngi, ha ka Group A (JN Stadium) – Goa vs Uttar Pradesh (9:30am); Delhi vs Mizoram (2:00pm)
Group C (Third Ground) – Sports Authority of India vs Haryana (9:30am); Meghalaya vs Odisha (2:00pm).