Thung noh ia ka Deputy CEM bad 4ngut ki EM, bthah ka High Court ia ka ophis U Lat

Shillong: Ka Meghalaya High Court, ha ka hukum jongka, kaba mynta ka sngi, ka la bthah ia U Secretery jong U Lat ka Jylla, ba un ai jingtip ia U Lat ka Jylla, ba un thung noh ia U Deputy Chief Executive Member jong ka Khasi District Council lem bad 4 ngut ki Executive Member jong ka Council, kumba la ai jingmut da U Bah Latiplang Kharkongngor, Chief Executive Member jong ka Khasi District Council.

Katei ka rai ka mih lyngba ka hukum U Chief Justice ka Meghalaya High Court, ha ka mukotduma, ba la ai da U bah Latiplang Kharkongngor Chief Executive Member jong ka Khasi District Council pyrshah ia ka Secreteriat jong U Governor ka Meghalaya.

Katei ka hukum ka bthah mynta ka sngi ban thung noh ia ka Kong Grace Mary Kharpuri kum ka Deputy Chief Executive Member, nangta ia ki Executive Member ba kynthup ia U Bah Mitchel Wankhar, kong Macdalyn Sawkmie Mawlong, Bah Lamphrang Blah bad bah Ronnie V Lyngdoh, kumba la ai jingmut da U CEM ha ka 27 bad 29tarik Naiwieng 2019.