Yn iatynjuh nyngkong ka Meghalaya pyrshah ia ka Haryana Hero Junior National Football

Shillong: Ka Meghalaya kan iatynjuh nyngkong pyrshah ia ka Haryana ha ka lympung Hero Junior National Football Championship (Tier 1) na ka bynta ka Dr BC Roy Trophy kaban long ha JN Stadium Shillong mynta ka sngi, ha ka por 4:00pm. Yn ym don bairung eiei ia ki nongpeitkai.
Ka jingialehkai kan sdang naduh ka por 9:30am. Ha madan balai, ka lahduh mynshem enm ka Mizoram kan iakhun ia ka Goa ha ka Group A, katba ka Odisha kan iakhun ia ka Sports Authority of India ha ka Group B ha JN Stadium. Ha ka por 2:00pm, ka Uttar Pradesh kan iakhun ia ka Delhi ha madan balai.

U myntri ialehkai ka jylla u bah Banteidor Lyngdoh un plie ia kane ka jingialehkai.Haba kren ha kane ka sngi nyngkong sha ki lad pathai khubor, u coach ka Meghalaya u bah Bobby L Nongbet ula ong ba la khmih lynti ba ka jylla kan lehkai bha ha kane ka lympung ban poi sha ka thong.
U la ong ba ka Youth Development Cell ka Meghalaya Football Association kala jied ia ki nongialehkai kylleng ka jylla.U la ong ba ka Haryan ka la kham ioh lad ha jrong namar ba ki briew ki kham jrong hynrei kyrmen ba ha madan, ki nongialehkai ka Meghalaya kin kham ioh jingmyntoi.
Katba u kapten ka Meghalaya u Gladdy Kharbuli, ula pynpaw ba kila kilanmet bha ha kine ki sngi kumba shi bnai shiteng bad kyrmen ba kin lah ban lehkai bha.
Ki nongialehkai ka Meghalaya ki long: Teibokstar
Lyngkhoi, Iohborlang
Lyngdoh Lyngkhoi,
Saveme Tariang,
Henryford Nongneng,
Teibokmi Lyngdoh,
Tremiki Lamurong,
Benjamin Diengdoh, Gladdy Kharbuli,
Ioanis Suchen, Glennys Lynrah, Wadajied Kynsai Ryngkhlem,
Jefferson Kharbuli,
Hamedamanbha Wahlang,
Sangti Janai Shianglong, Kenny Sangma,
Arlangky Nongsiej, Kitborlang Kharpran, Pynkhraw Kupar Kharbuli, Gunguntyron Arengh, Wanteilang Malngiang
Officials: Bobby Lyngdoh Nongbet (coach), Kitbor Kharkongor (manager), Sushma Thapa (physio)
Ki prokam ialehkai lashai ki long: Group A (Third Ground) – Mizoram vs Goa (9:30am); Uttar Pradesh vs Delhi (2:00pm)Group C (JN Stadium) – Odisha vs Sports Authority of India (9:30am); Haryana vs Meghalaya (4:30pm)