Kam trai ka ULFA-I halor ki jingbthei bapher ha Assam

Guwahati: Ka United Liberation Front of Asom-Independent (ULFA-I) ka kitkhlieh halor ka jingbthei bom ha ki bynta bapher jong ka Assam, ha ka step jong ka Sngi U Blei.

Katei ka jingbthei ka jia shwa hajan kawei ka dukan ha Teokghat ha Sonari police station jong ka Charaideo district. Hadien kata, ki bud sa lai tylli kiwei pat ki jingbthei ha Dibrugarh district, ar sien ha Graham Bazar bad ha AT Road bad sa kawei ha Duliajan Tiniali.

“Ki la don ki jingbthei bom ha lai tylli ki District jong ka Assam, ha ka 26tarik Kyllalyngkot, ha ka sngi jong kata ka jingrakhe Republic Day da ka jing synshar jong ka India, ha kaba la donkti da ka seng kaikhlaw jong ka ULFA (I)’s United Liberation Force,” ong ka khubor na katei ka seng kaikhlaw, ba la pynmih da U Joy Asom, u dkhot jong ka tnat pathai khubor jong ka ULFA.