U Brad Pitt bad ka Jennifer Aniston, ki la sdang ia iaid biang ha kine ki sngi bad ia katei ki la pynpaw paidbah, ha ka jing sam khusnam SAG, kaba ki la pynlong ha ka taiew ba ladep.
Kitei ki arngut shi tnga, ki la ia pyllait noh kham mynshwa bad ha shwa jong kane ka jing ia ieid biang jongki, ki la donkam ban iakren hi para marwei haduh san sien kynthih bad kawei ka dei kaba ki ia kynduh ha ka sngi kristmas, ha iing jong ka Jennifer, kaba la tip kum ka Bel Air Mansion bad ka dei hadien kata, ba ki sa ia mih pyrthei lang baroh arngut ha ka 19tarik Kyllalyngkot ban pyni ba ki la ia long kawei biang.
Ki lad khubor ki iathuh ba ka Jennifer, 50, kam ju leh jngai satia na U Brad Pitt, uba dei u lok nyngkong jongka, wat la ula iehnoh ia ka bad leit ia shong bad ka Angelina Jolie. “Ka shim por kham bun, hynrei mynta ka la map ia baroh ki jingleh jongu bad ki don ka jingiadei kaba khraw ha kine ki sngi” ong ka khubor kaba iajan bad kitei ki arngut.
La iathuh shuh shuh ba wat U Brad Pitt, 56, um ju leh jngai satia ia la ka jong ka tnga barim jongu.
Kitei ki arngut ki ia poi kha naduh u snem 2000 haduh u snem 2005, hynrei U Brad ula iehnoh ia ka Jenni bad leit ia shong bad ka Angelina Jolie, ha ka por ba ki ia ak lang ia ka phlim Mr. & Mrs. Smith.
Ka Angelina ka la ia pyllait bad U Brad Pitt ha u snem 2016 bad ka Jennife, ka ia shong bad U Justin Theroux naduh u snem 2015 haduh u snem 2017.
Phi don ban ong eiei?