Ngam jyllop 2ngut, lait im 2; haba ia sum hajan Laitlyngkot

Shillong, 29 Naitung:
2 ngut ki samla ki la iap jyllop bad 2 ngut kiwei pat ki lait im bad katei ka jingjia ka la jia mynta ka janmiet, katba kitei ki 4 ngut ki dang leit kai ban iaid pyngngad bad ban ia bamkhana ha Jingkieng Iong, kaba hap ha Laitlyngkot, ka lynti ban iaid sha Kyrdemkhla.
2 ngut kiba la iap ki dei kiba la tip kyrteng kum u Pynkhraw Lyng doh,16 snem karta bad uwei pat u Balatei Mar baniang,20 snem karta; kitei baroh ar ngut ki dei na RiatLaban, katba ar ngut pat ki paralok jong ki ym pat shym la ioh kyr teng haduh ba thoh ia kane ka khubor. Katkum ki tyllong khubor ba la ioh lum la iathuh ba kitei baroh saw ngut ki la wankai sha katei ka JingkiengIong da ka kali Maruti Van Private, bad baroh saw ngut ki dei ki shynrang.
Katei ka jingjia ka la jia ha ka por 4:30 baje janmiet, katba kitei ki saw ngut ki dang ialehkai ha katei ka wah, hynrei kyndit kyndit baroh saw ngut ki la ngam jyllop, hynrei ha katei ka por ki la don kiwei pat ki ba wan iaidkai pyngngad, sha katei ka jaka bad ki la iohi ba kitei ki saw ngut ki la ngam jyllop.
Ha ka jingpyrshang ban iarap, ki nongiarap ki la ioh ban pyllait im tang ar ngut na ki katba ia ki ar ngut kiwei pat ki la ngam ha trai khyndew. Hadien ba la ioh jingtip halor katei ka jingjia ki pulit ka Pynursla PS ki la wan poi sha katei ka jaka bad la sei ia ka met iap ha ka por 7 baje mynmiet ryngkat ki kali jong ka Fire Service.
Katkum ki tyllong khubor la iathuh ruh ba katei ka jaka ba kitei ki 2 ngut ki jla ngam jyllop ka dei ka jaka ba la mana pyrshah ia ki nongwan jngohkai bad ia kiwei pat ban rung shapoh. La iathuh ba ha ka por ba ki pulit ki la leit ban khwai ia ka met iap kitei ki ar tylli ki metiap ki don shapoh thwei.