Ka kong Trinity, ka nong pynmih shynrai Lakadong, ka ioh khusnam Padma Shri

Ka kong Trinity Sayoo, ka la ai kam ia 800ngut ki longkmie ha Jaintia Hills, na ka bynta ban pynmih ia u shynrai Lakadong.

Lyngba ka jingialam jongka mynta ka kong Sayoo, ka don ia 100 tylli ki SHG, kiba ka ia treilang na ka bynta ka kam pynmih shynrai bad la shalan ia u shynrai sha kylleng ka thain shatei lam mingi bad kumjuh sha Kerala bad shaduh Karnataka.

Ka kong Trinity kaba 52 snem ka rta, ka la ioh ia ka khusnam Padma Shri, na ka liang jong ka kam rep. Nalor ka kam rep shynrai, katei ka longkmie ka dei ruh ka nonghikai skul.

Ha kane ka sngi Republic, ka Jylla ka la ioh ruh ia san ngut ki pulit, kiba la shah jied ban ioh khusnam na U President bad kitei ki long U bah Ricky Dkhar, Deputy Inspector General of Police, uba ioh ia ka President Police Medal (PPM), for distinguished service police medal bad nangta U Bhalchand Mishra, Un armed Branch Sub Inspector of Police, uba ioh hi ia kajuh ka khusnam President Police Medal (PPM) na U President bad nangta U Bah Lambok Shadap, Un armed Branch Constable, uba ioh ia ka Police Medal for meritorious service bad nangta U bah Aljwin Rani, Leading fireman uba ioh ia ka Fire Service Medal for Meritorious Service, U Anith Marak Leading Fireman, uba ioh ia ka Fire Service Medal for Meritorious Service.