Poi Hospital sa ka longkmie ar met, ba shah thngan

Shillong,29 Naitung:
Mynta ka miet, ki Majistor ki la hiar sha ka jaka ba ki samla wadkam ki dang ia shah thngan , bad ha katei ka jingleit peit ia kitei ki 42 ngut ki samla, ki Majistor ki la ialam ruh ryngkat bad ki Doktor ban eksamin ia ki. Ha katei ka jingeksamin ki Doktor ki la lap ba ka don kawei ka longkmie kaba dang armet kaba dei kawei na ki dkhot ka Association ki samla wadkam, ki Doktor ki la lap ba katei ka longkmie ka don hapdeng ka jing bym khlain namarba i khyllung ha kpoh i la khih, kumta ki la phah ia ka ban leit sha Hospital ryngkat bad ki, hynrei katei ka longkmie ka la kyntait bad kam treh ban leit da ka kali jong ki majistor.
Kham hadien ki para dkhot jong ka , ki la phone noh da ka kali 108 ban pynkit ia ka sha Hospital, bad haduh ba thoh ia kane ka khubor ym pat ioh jingtip shano yn pynkit ia katei ka longkmie. Katei ka longkmie ka dei kaba la tip kyrteng kum ka kong Ensil Kharjana napoh Laimer.
Haba ia kren bad ka GS ka Association ka kong P.L Thabah ka la iathuh ba katei ka longkmie kam shym la ud pang, bad ka la ong ruh ba kam don jingsuh jingthar ha ka met. Ka la iathuh ba i khyllung hapoh kpoh katei ka longkmie i dang 7 bnai.