Pynbeit iaid kali ki pulit Shillong

Shillong: Ka ophis treikam jong ka Superintendent of Police ka East Khasi Hills mynta ka sngi ka la pynmih hukum ba yn plie paidbah noh ia surok ban iaid kali na Khyndai Lad (Police Bazaar) shaduh Lad Umsohsun ba hap iaid lyngba na Sadar Thana Road naduh ka 27 tarik kylla lyngkot 2020.

Ka tnad ba pyniaid ia ka rukom iaid kali hapoh ka nongbah Shillong ka la kyntu ia ki nong niah kali kiba sah ha Umsohsun, Wahingdoh bad kiwei ki jaka ba marjan ba ki dei ban pyndonkam ia kane ka surok iaid kali ba la pyniaid thymmai.
Ka ophis treikam pyniaid kali ka la btah ba tang ki kali rit lane ki Light Motor Vehicles (LMV) ki la ban pyndonkam ia kane ka surok bad baroh ki kali ki hap ban bun ia ki kyndon hapoh bad la ong ba baroh ki kali rit lane Light Motor Vehicles (LMV) kin hap iaid lyngba ka surok Khyndailad Junction. Nangta ki kali ba mih na Lad Umsohsun junction ban leit sha Umsohsun road bad G. S. Road lane sha Sadar Thana Road.
Ym shah ban rung “No Entry” na Sadar Thana junction ban leit Alpine Hotel lane sha Police Bazaar bad ia ki kali ban leit sha Umsohsun junction haduh Dreamland bad Police Bazaar Road.Baroh ki kali ba iaid hapoh khyndai lad kin hap ban iaid tang “One Way” bad ym shah ban rung kali na G. S. Road, Lad Umsohsun haduh Umsohsun Road bad yn ym shah ban ieng kali ha baroh ka thain Khyndai Lad.