“Wat kynran dien” PN Syiem ia ka EC

Shillong, 29 Naitung:
U nongialam ka liang pyrshah hapoh ka ïingdor bar KHADC, Bah Pyn shngaiñ N Syiem, uba dei u nongialam ka KHUDA-II u la ai mynsiem ia ki pulit Enforcement ka KHADC ba ki dei ki briew kiba shlur na ka bynta ban pyndep ia la ka jong ka kamram ban leit khang ia ki dukan jong ki bar jylla ki bym don ia ka laisen khaïi ha Iewduh kaba dei katkum ka bor ba la pynkup ha ka Siaxth Schedule.
U la pynrem jur ia kito ki bar jylla kiba la ialeh pyrshah ia ki bor jong ka aiñ bad ktah kti ruh ia ki lad pathai khubor haba ki la leit da ka lynti kaba jai jai hynrei kane ka jingpynibor kam mut ba ka EC kan kynran dien noh hynrei ka dei ban iaid beit shakhmat ban pyndep ia la ka jong ka kamram.
Ha ka juh ka por u la phah ruh ka jingsngewlem ia kito kiba la mynsaw ba kin ioh noh ia ka met kaba koit ba khiah. Ha ka lah sngi u Blei u Bah Pynshngaiñ N Syiem u la leit jngoh ruh ia uwei u pulit Enforcement uba la shah sumar ha kawei na ki hospital ha Shillong.