Pynliem biang ka Bhutan ia ki thei ka Meghalaya

Shillong: Ki thei ialehkai ka Bhutan kila pynliem biang ia ki thei ialehkai ka Meghalaya ha ka jing iakhun paralok jong ka U-17 kaba long mynta ka sngi ha madan JN Stadium, Polo.

Ki thei ka Bhutan kila pynliem da 4-2 ia ki thei ka Meghalaya. Ha ka jingiakhun ba la dep, ki thei ka Bhutan kila pynliem da 3-0 kol.
Ha ka jingshisha, ki thei ialehkai ka Meghalaya kila ialehkai bha ban pynliem ia ki thei ka Bhutan hynrei kim shym la lah ban leh eiei haduh ban poi sha ka jingpynkhih jar haduh ban knieh nam tam namar ba ki thei ka Bhutan kila kham shemphang bad kham tbit.Haba sdang ka jing ialehkai hapoh 10 minit, ka Meghalaya ka la ioh thep lyngba ka Fedelia Lamare hynrei ka kapten ka Bhutan ka Sonam Choden ka la lah ban pynphai kylla shwa ban wai ka kyllastep.
Ha kyllamiet, ka Sanfida Nongrum ka la ioh ban khyrwit biang kawei ka kol ia ka Meghalaya hynrei ia kane ruh la shah pynphai biang ha ka Bhutan lyngba ka Pema Choki.
Naduh kane ka khyllipmat, ki thei ka Bhutan kila kham lah ban pynjem ia ki thei ka Meghalaya ha kaba ka Choden ka la ioh biang ban thep ha ka 62 minit bad ka Dela Lhazom ka la thep kham hadien ban knieh nam tam syndon ia ka Meghalaya da 4-2.
Ka coach ka Meghalaya ka kong Iaikyntiew Nongkynrih ka la iaroh ia ka jingialehkai shitom ki thei ka Megha laya. Katba u coach ka Bhutan u Yeshi Wang chuk, u la ai khublei ia ki bor pyniaid ka Meghalaya Football Association bad ka tnad ialehkai kaba la pdiang ia ki sha kane ka jingialehkai paralok kaba ar sngi.