Yn shong kyllain mongor ki HANM

Shillong, 29 Naitung:
Ha ka 1 tarik u Nailar, ka sngi ba ka National Green Tribunal kan pynlong biang ia ka Hearing ha kaba ia dei bad ka jingkhang tih dewiong, na ka liang ka HANM ka la byrngem ba ha katei ka sngi kan leit ban shong kyllain mongor ha phyllaw jong ka Meghalaya High Court. Katei ka rai ka HANM ban leit shong kyllain mongor ha phyllaw ka Kashari ka dei kum ka dak ka jingpyrshah ia ka jingkhangtih dewiong kaba kynsan kynsan ha kane ka jylla. Kaba la ktah ia ka ioh ka kot bad ka kamai kajih ki paidbah.