Khmih lynti ka MFA ban pyni sap ki nongialehkai ka jylla ha ka Dr BC Roy

Shillong: U Chairman ka Youth Development Cell ka MFA u bah Sunesh Syiem u kyrmen ba ka kynhun ialehkai ka jylla Meghalaya khlem pep kan lah ha kaban ialehkai bha, ha ka lympung ialehkai jong ka National Football Championship for Dr B.C Roy Trophy, kaban long ha kane ka nongbah naduh ka 28 ka taiew kaban wan.

Ia kane u bah Sunesh u la pynpaw ha ka jingiakren bad ki lad pathai khubor, ha kaba u la iathuh ba ka jingioh ban jied ia ki 20 ngut ki rang ialehkai ba pura ban mihkhmat ia ka jylla, ka dei ba ka shnat treikam ka jong u ryngkat bad la ki coach ki la trei shitom ha kine ki khyndiat bnai kiba la dep naka bynta ban pynlong ia ki jingpyrshang kiba janai ban ioh wad ia ka sap ba nylla jong ki khynnah bad ruh ban pyn long kyrpang ia ka jing pyrshang ia ki khyn nah ba la mihkhmat na ki klob ialehkai bna nam jong ka jylla.Ka jing iakhun ba nyngkong jong ka Meghalaya kan dei la 28 tarik pyrshah ia ka SAI.