Shillong: U symbud myntri rangbah, u bah Prestone Tynsong, haba ia kren bad ki ladpathai khubor u la iathuh ba ka cabinet mynta ka sngi, ka la shim ia ka rai ba ha ka 28 tarik u Rymphang 2020 kin sa pynlong ia ka ilekshon MDC Shiteng samoi ha 26-Langrin MDC constituensy.
U la ong ruh ba la da don ki ba kwah ban pynrung ne weng kyrteng ka sngi ka ba khadduh kan long ha ka 12tarik u Rymphang 2020 .
Ia ka jingpynbna ban don ka ilekshon kan long ha ka 17 tarik u rymphang 2020 bad ka sngi khatduh ban thep kyrteng ban ia khun ia ka MDC shiteng samoi kan long ha ka 19 tarik u rymphang 2020 ha ka por 3.00 baje janmied bad ka jingbishar bniah ia ki kot thep kyrteng kan long ha ka juh ka sngi ha dien ka 3.00 baje.
Ka sngi ba khatduh ban weng na ka jingiakhun ia ka ilekshon lada don kan long ha ka 20 tarik u Rymphang 2020 bad ka jingpynbeit ia ki kyrteng jong ki kyrtong bad ban ai ia ka shap kan long ha ka 22 tarik u rymphang 2020 bad ka sngi thep vote kan long ha ka 28 tarik u rymphang 2020 bad ka sngi niew vote kan long ha ka 3 tarik u lber 2020.
U la ong ruh ba lada don kano kano ka jingujor ha kaba ia dei bad ki kyrteng ba don ha ka jingpynrung kyrteng ban thep vote (electoral roll )ki dei ban leh ha ka 13 tarik u Rymphang 2020 bad ia ka jingpynrung kyrteng thep vote kaba pura yn pynmih ha ka 15 tarik u rymphang 2020.
Phi don ban ong eiei?