Bthei ka pistol ha State Library, mynsaw U PSO u myntri

Shillong: U pulit uba pahara ia U Bah AL Hek, myntri ka koit ka khiah ka sorkar Jylla, U bah Wanshan Wahlang, ula mynsaw, haba ka pistol jongu, ka la bthei mynta ka nohsngi, katba u dang niad ia katei ka pistol, ha ka por ba u don ha State Central Library.

Katei ka jingjia, ka la jia katba ka jingrakhe ia lyngkhuh 48 snem ka Jylla, ka dang iaid ha State Central Library, ha kaba la don lang U Conrad Sangma, myntri rangbah ka Jylla.

La iathuh ba U PSO, uba don hapoh kali, u dang pynkhuid ia ka pistol jongu, hynrei ula kum ktah bakla bad ka pistol ka la bthei bad ki kuli ki la dei ia ka kjat jiongu bad kumjuh ia ka jingkhang ba shakhmat jong ka kali ruh. La ialam ia utei u pulit sha Civil Hospital, ba un shah sumar.