La pynkynriah ia ka Shabana Azmi ha Kokilaben hospital

Ia ka aktres barim ka Shabana Azmi la kit noh sha MGM Hospital hadien ba ka la ia kynduh ia ka jingjia accident ha Mumbai-Pune ha ka Sngi Saitjain ba ladep. La iathuh ba ka kali ka la ia takhuh bad kawei ka trok ha ka por 3.30 pm hajan Khalapur. Ia kane ka aktres ba 69 snem la synran lang lang da u kurim jong ka u nongthaw jingrwai u Javed Akhtar.

Kat kum ki khubor la iathuh, ia kane ka aktres la pynkynriah noh sha Mumbai Kokilaben Hospital ha Andheri. La iathuh shuh shuh ba ki pulit ka nongbah Mumbai ki la iarap ban phone ia ka ambulance bad pynkynriah noh ia ka kali ba tyngkhuh ha surok khnang ban lait na ka jingdheng kali ha surok bad ruh mar mar la kit nohia ka sha hospital ban ioh ia ka jingsumar.
Kiba bun ki khlur ak phlim jong ka bollywood hapoh social media ki la kitbok ia ka ban kan ioh noh kloi ia ka met kaba koit ba khiah.Wat u Prime Minister Narendra Modi hapoh Twitter u la thoh, “Ka khubor ba la saphriang ha ka AzmiShabana Ji ka la mynsaw na ka jingtakhuh kali,nga la sngewsynei bha ia ka halor ka tei ka jingjia, nga duwai ba kan koit noh shen.” Ym tang katta la khubor accident jong kane ka aktres Shabana Azmi ka la pynkyndit ia ka ri baroh ka wei.