30tarik bad ki lama iong, proseshon sha Polo

Shillong, 27 Naitung:
Ka Movement for Indigenous People’s Rights and Livelihood- Meghalaya (MIPRL) ka la rai bann pynlong ia ka jingiaiaid paidbah kaba jar jar (Silent March) ha ka sngi Balang ka 30 tarik mynta u bnai haka nongbah Shillong, ka ban sdang na Madan Polo (Ground No-2) ter ter, naduh ka por 10 baje mynstep ban pyrshah ia ki hukum (Orders) ka National Green Tribunal (NGT), halor ka khyndew ka shyiap bad ki mar poh khyndew kaba la ktah ia ki paid nongshong shnong ka ri Khasi, Jaintia bad Garo baroh kawei.
Kane ka jingiaiaid paidbah kan long ruh kum ka dak jong ka jingpynpaw, sha kiwei pat ki jylla ka ri India bad ruh ban pynpaw hakhmat jong ki nongmihkhmat ka ri India ia ki jingjaw ummat kthang jong ki trar par dewiong. Ka kyrwoh na katei ka seng, ka kyrpad iaki paitbah baroh ban pyllait khnang ia ka por ba kordor jong ki ha katei ka sngi bad ban poi ha Madan Polo ha ka por 09:00 baje mynstep ryngkat bad ki lama iong.