KA UMPHNIANG SNEPKOR

[ba bteng] Ki umphniang snepkor ki kyntiew iaka jingdon ka HDL cholesterol kaba bha:— Ka umphniang snepkor kadon haka iaki khleiñ tynrai kaba lah ban iarap kyntiew iaka jingdon ki HDL Cholesterol kiba bha haka met. Ki iarap ruh ban pyllait naka cholesterol kaba sniew kaba lah ban ktah iaka met baroh kawei. Da ka jingkiew ka HDL cholesterol kaba bha, bun naki stad wad bniah ki lap baka umphniang snepkor kalah ban long kaba khambha naka bynta ka jingkoit jingkhiah jong u klongsnam lada ianujor bad kiwei pat ki jait umphniang.

• Ka umphniang snepkor ka iada iaka sniehdoh,u shñiuh bad ki bniat:—– Iaka umphniang snepkor lah ban pyndonkam ym tang ban bam hynrei ha kano kano ka rukom ruh lah ban pyndonkam iaki. Lah ban pyndonkam haka sniehdoh, ha u shniuh bad wat haki bniat ruh. Phi lah ban iohi ba kito ki briew kiba pyndonkam daka umphniang snepkor haka met, ka sniehdoh jongki ka long jlih bad itynnad. Kane kadei namar ka khleiñ kaba don haka, ka pynum iaka sniehdoh bad pyllait naka jingtyrkhong ka sniehdoh. Ka umphniang snepkor kadei ruh kawei naki jait umphniang kaba lah ban iada naka jing hap jong u shñiuh bad naki jingsniew dur jong u.
  Bun naki briew kim tip hynrei ki umphniang snepkor kilah ruh ban iada iaki bniat bad pyllait na ki jingbam khñiang.Ban kynruh shyntur daka umphniang snepkor hakata ka rukom ba ki khot ka ‘Oil Pulling’ kalah ban pyniap iaki katto katne ki khñiang jingpang kiba sniew haki shyntur, kyntiew iaka jingkoit jingkhiah jong ki bniat bad iarap pynduna iaka jingsma ka shyntur.
• Ka umphniang snepkor ka iarap pynhiar iaka jingkhia ka met:– Kumba la kdew haneng ba ka umphniang snepkor kalah ban pynduna iaka jingthngan kloi ka met bad iarap pynduna iaki khleiñ. Phi lah ruh ban sngewdei ruh baka lah ban pynhiar bad pynduna iaka jingdon bun ki khleiñ haka met. Lah ban ithuh baka trei kam bha ban pynduna iaka jingsop khleiñ haka kpoh kaba lah ban ialeh pyrshah iaki jingshitom haki thliew snier bad ha baroh ki bynta jong ki dkhot met ba shapoh. Namar kata ban kynthup iaka umphniang snepkor haki jingbam kalah ban iarap shibun ban pynduna iaka jingkhia jongka met.