Ka ain CAA, ka bym don jingmut satia, ong ka Hasina

Ka Sheikh Hasina, myntri rangbahduh ka Bangladesh, ka kam ba ka ain jong ka sorkar India ban pyntrei kam ia ka Citizenship (Amendment) Act “ka long ka bym don jingmut satia”.

Ka Hasina, ka ong ba kam sngewthuh satia ia ka jingmut, kaba don halor ka nongrim jong ka jing pyntrei kam ia ka ain CAA ha India.
Haba kren halor ka ain CAA bad kumjuh ka National Register of Citizens (NRC), Ka Hasina, ka ong ba kitei ki ar tylli ki ain ki kam poh iing jong ka India, hynrei na ka liang jongka, ka ong shuh shuh ba ki dei ki ain ki bym larkam satia.
Ka Hasina, kaba ong ha ka nongbah Abu Dhabi jong ka UAE, ka iathuh ba kam don satia kano kano ka jingwan tuid ki briew na India sha Bangladesh bad ka iathuh ruh ba ki nongshong shnong ka India, ki shem shitom shibun lyngba ka jing pyntrei kam ia ki ain jong ka CAA.