Poi ka kam Rangbah Shnong Nohwet sha High Court

U Rangbah Shnong barim jong ka shnong Nohwet u bah Bose Well Khongthohrem u la kyrpad ia ki bor ba dei ban peit ba kin pynsangeh shuwa ia ka jingpynlong ban jied ia u rang bah shnong thymmai ha ka Shnong Nohwet haduh da wan shuwa ka rai na ka High Court jong ka jylla.

Na ka liang U bah Bosewell Khongthorem u la ujor mukotduma pyrshah ia u Syiem ka Hima Khyrim u Dr Balajied Sing Syiem bad u sordar ka Rangnah u ba long ruh u Acting rangbah shnong u bah Nobelstar Khonglar halor ka jing ai lad ia ki kynthei ba kin ioh shim bynta ban jied ia u rangbah shnong thymmai ha ka 21 tarik u kyllalyngkot 2020.

Kat kum ka jingiathuh jong u bah Bosewell u la ong ba u la shah jied kum u rangbah shnong ha ka 26/5/2018,bad mynba u dang long rangbah shnong na ka liang ka seng longkmie ki la phah ka jingkyrpad ba kin shah ia ki kynthei ba kin shim bynta ha ki dorbar shnong.

Kumta na ka liang ka Excutive Commitee jong ka shnong ki la mynjur ia ka rai ban ai lad ia ki kynthei ban iashim bynta ha ki Dorbar shnong.

U bah Khongthohrem u iathuh ba ha ka dorbar kut snem ka ba la long 30 tarik Nailar 2019 ki kynthei kane ka thain ki la ioh ban shim bynta, hynrei na ka liang u Sordar bad u secretary ka raid Rangnah ki la wan ban shim bynta khlem da shah khot sngewbha bad dei hangta ba la mih ka jing ia kulmar ha katei ka sngi namar ba kim shah ia ki longkmie ba kin wan shim bynta ha ki Dorbar shnong.

U la ia thuh ruh ba ha ka 7 tarik u Nohprah 2019, la don ka jingiatynjuh bor ba dang don ne em ka jingshaniah ha u bah Bosewell, ha kaba u Nobelstar Khonglar u la long kum u acting rangbah ka shnong ka shnong Nohwet bad tang shi bnai un hap pynlong ka jingjied rangbah shnong thymmai.

Ula iathuh ruh ba ha ka 18 tarik u nohprah 2019 na ka liang u bah Bosewell u la phah ka shithi sha u Syiem ka Hima khyrim ba yn shah ia ki kynthei ban shimbynta ha ka jingthep vote ban jied ia u rangbah shnong ba thymmai.

Hynrei na ka liang u acting rangbahshnong ka Nohwet u bah Nobel star ha ka 3tarik u kyllalyngkot 2020 u la khot ia ka dorbar ha ka shnong Nohwet bad pynbna ba na ka bynta ban jied ia u rangbahshnong thymmai yn ym shah ia ki kynthei ba kin shimbynta.

Ha kane ka sngi lamih ka jing pyrshah na ka liang ki nongshong shnong kumta na ka liang u Executive Magistrate, Pynursla civil sub division u la pynsangeh noh ia kane ka dorbar.Kumta na ka liang une u rangbah shnong barim ka Nohwet ha ka 17 tarik u kyllalyngkot 2020 u la ujor da ka mukotduma sha ka High court jong ka jylla ban bishar ha kane ka bynta.