Ka mat treikam ka BJP ka dei ban pyntrei kam ia ka CAA lada ka wan ha ka bor

Shillong: U bah Arnes Mawrie u president bathymmai ka Bharat Janata Party Meghalaya u la ong ba Ka mat trei kam(monefesto) ka BJP ka dei ban pyntrei kam ia ka CAA lada ka wan ha ka bor.

Ha ba iakren bad ki ladpathai khubor u bah Arnes, u la kyntait ban jubab ha ba kylli ba ha to kum u nongialam ka BJP Meghalaya u kyrshan ia ka CAA u la ong ba kane ka bynta ka ba iadei bad ka CAA ka dang don ha ing bishar te um lah ban kren eiei halor kata.

U la ong ruh wat ha ka jylla jong ngi ki la dep pyllait 99% na ka jingtreikam ka CAA, hynrei mynta hi ngan ym lah ban kren halor ka CAA, hynrei kat kum ki mat trei kam ka Party ha ka por ba ki pynlong ia jing ialap election ka long ba kan pyntrei kam ia ka CAA ha ka Ri baroh ka wei lada ka wan ha ka bor.

U la ong ruh ba na ka liang jong ka BJP na Meghalaya ka kyrshan ia ka ILP, namar ka dei ka jingdawa jong ki briew jong ka jylla. Ula ong shuh shuh ba yn khot ruh baroh ki sengbhalang sha Dehli ban leit ia kren ban pyntrei kam mardor ia ka ILP ha ka Jylla.