Kyntait U bah Enbin, ba thmu hiar shuki GS

Shillong, 25 Naitung:
U bah Enbin Kharras wai General Secretery jong ka seng HSPDP, ula kyntait mynta ka sngi, ba ula byrngem ban iehnoh ia ka kam General Secretery jong katei ka Seng. Haba iakren mynta ka sngi bad U Rupang, U bah Enbin, ula ong ba ka khubor, kaba mih mynta ka sngi, ka dei kaba ialam bakla ia ka jingthmu jong ka seng bad ula ong “Ngam shym don kano ka jingtip, halor katei ka khubor” bad ula ong shuh shuh “Ka rai jong ka CEC, ka dei ban pynkhlain ia ki jingtrei kam jong ka seng”.
Lah ban pynkynmaw, ba ha ka jingpynmih khubor mynta ka sngi, U Bah Phres Bareh, President jong ka East Jaintia Hills District, ula kam ha U Rupang, ba U Bah Enbin Kharraswai ruh, ula kren diaw mynsiem ia katei ka jingshah pynduh pyndam jong ka Ri Bhoi bad ka East Jaintia Hills District bad ka West Jaintia Hills District bad ba ma u ruh, ula pynsngew ba u don jingthmu ban iehnoh, na katei ka kam nongialam jong ka seng.