Ym treh khubor JHADC

Jowai, 25 Naitung:
Ki Nongthoh khu bor na Jaintia hills ki la ai da ka jingthoh sha u ka iing dorbar jong ka Jaintia Hills Autonomous District Council u Bah LS Shylla ban pyntip ba ki nongthoh khubor na katei ka thain kin nym thoh ia ka khubor kaba la jia hapoh Ing dorbar ka JHADC na ka daw ba ka Legislative Wing jong ka JHADC kim shym la lah ban ai ia ki kot ki sla kiba la wanrah hapoh ka iing dorbar, kiba kynthup ia ki jingkylli, ki jubab jong ki MDC bad EM bad kiwei pat
Ia katei ka jingthoh la soi da u Genenral Secretary jong ka seng Jaintia Journalist Association (JJA). Ia kane ka juh ka jingthoh la ai ruh sha u CEM jong ka JHADC u Bah T Shiwat bad na ka liang jong u CEM u la kular ia ki nongthoh khubor ba yn sa ia kren ia kane ka kam bad u Chairman.
Kumba ka long mynta na ka liang jong ka iing dorbar jong ka JHADC kam shym la lah ban pynbiang ia ki jingdon kam jong ki nongthoh khubor kum ka tynghong jingsawa ba kin ioh sngew ia kaei kaba ki MDC ha katei ka ing dorbar ki kren. Na ka liang jong ki nongialam jong ka JJA ki la ong ba kane kam dei ka jingkwah na ka bynta ka jingmyntoi ka jong ki hynrei ka dei na ka bynta jong ki paidbah. Ki paidbah ki don ia ka hok ban tip aiu ki nongmih khmat jong ki ki ia kren ha poh ka iing dorbar lyngba ki lad pathai khubor.
Kumba ka long mynta ki nongthohkhubor katei ka thain kim treh ban thoh ia ka dorbar ba –ar sngi ka JHADC ka ban sa kut ha ka lah sngi u blei ka ban wan, bad ki pynpaw ruh ba katei ka jingbym lah pynbiang kot pynbiang sla ka legislative Wing ka ju long ha manla ki dorbar ka JHADC la ka dei ka dorbar lyiur, dorbar tlang ne ka dorbar Mang tyngka.