Ka jingpynlip light ha ka jylla baroh kawei ka dei na ka jing duh ki jaka pynmih bording ilektrik na Tripura bad Kupli

Shillong: U symbud myntri rangbah ka jylla u Bah Prestone Tynsong, u la iathuh ba ka jingpynlip light ha ka jylla baroh kawei ka dei na ka daw ba ki jaka pynmih bor ding ielektrik ka ba don ha Tripura bad ka Kupli ka khlem lah trei kam namar ba ka don ka jingduh ka kitei ki jaka.

Ka jingduh jong kitei ki ar tylli ki jaka pynmih bor ding kala khate ia ka jingioh elektrik da 50 MW ia ka jylla Meghalaya.

Kawei pat ka daw ka long ka mynshuwa ka don ka kyndon bad ka jylla Meghalaya ha ka por lyiur ka juh pynmih shibun ka bor ding ilektrik bad ia kane la ai sha ka NTPC bad ha ka por ba duna um ka jylla Meghalaya ka dei ban ioh ia ka bor ding na ka NTPC, ba ia kane la pynduh mynta.

U bah Prestone u la kyntu ia ki paidbah ba kin ia shah shitom mynta ar lai sngi katban da dep shna ia kitei ki jaka pynmih bor ding ileketrik khnang ban weng ia kane ka jingpynlip light kaba bun kynta mynta. U bah Prestone u la ong ba ha kine ki ar lai sngi yn sa lah ban weng ia kane ka jingeh.Haba ia dei bad ka NEEPCO na ka liang jong u Bah Prestone u la iathuh ba kam don jingeh ei ei ruh em, ka jingeh dei tang ba ka duh kitei ki ar tylli ki jaka pynmih bor ding la kyntu ia ki paidbah ba kin iashah shitom.