Haduh mynta ka jingdawa ban pyllait (excempt) ia ka jylla Meghalaya na ka CAA, kumba kren u Myntri Rangbah ka jylla bad ruh kumba la ioh sngew baroh shikatta na katto katne ngut ki nongmihkhmat ka long ka bym don nongrim, namar ngim lah ban sngewthuh kumno kata ka jingexcempt kan iada ia ngi. Wat lada ka Sorkar India kan ong ba ka CAA kam treikam shuh ha baroh kawei ka jylla Meghalaya, hato ka la biang? lada ngim don pat ka ain ban aibor ia ngi ban buh khyrdop bad ban tokit mano kita kiba rung sha ka jylla jong ngi.
Ngi la tip shaikdar ba ka CAA kadei ka ain kaba ithuh ia ki katto katne ki jait niam na ki katto katne tylli ki Ri ka pyrthei kum ki nongindia, hynrei ngi tip ruh ba ka artikil ba 19(1)(e) (d) jong ka constitution ka Ri India pat ka ong ba uno uno u “nong India” u don ia ka hok iaid kylleng U pud u sam ka Ri India, bad ban shong bad sah hangno hangno ruh hapoh Ri India. Lada la ioh ka jingithuh lyngba ka CAA kin sa ioh pat ia ka lad ban wanrung hi sha ka jylla ka jong ngi lyngba ka Artikil ba 19 jong ka constitution.
Ia ka Nagaland, Arunachal Pradesh, Mizoram bad Manipur la excempt ryngkat ka ain ILP, kumta “ha ka jylla meghalaya ruh ban shu excempt khlem ka ain ILP kam don nongrim”.
Kumta ka seng ka dawa jur naka sorkar jylla ba ngim hun tang ban shu excempt hynrei ngi donkam ruh ia ka ILP khlem da ia pien iaka 6th scheduled. Bad ngi dawa ia ka sorkar jong ngi bad ba baroh ki MLA kumba ki la mynjur ha assembly ba kin iengskhem ha kajuh ka nongrim.
Kan long ka jingjahburom kaba khraw lada ngim ioh ia ka ILP wat hadien ka jingmynjur jong baroh ki MLA ka legislative assembly, hynrei ngi khmih lynti baka sorkar pdeng kan burom ia ka rai u paidbah ka jylla Meghalaya.
Wat la u HM u la kular sha ki nongialam ka jylla ban kynduh biang hadien ka lehkmen kristmas, hynrei haduh mynta kam pat don ka jingiakynduh, kane ka long kaba sngewsih bad ka sorkar jylla kadei ban pyndep kloi ia kane ka kam khlem buh teng shuh, bad ka kamram jong ki nongmihkhmat ka seng BJP ki ba na ka jylla ka jong ngi ki ba la soi lang ia ka resolution ILP kam kut tang ha Assemnly hynrei kidei pyrshang ban tynruh sha nongbah delhi ban convince ia ki nongialam jong ka seng jong ki.
Sd/-
Thomas Passah,
President KHNAM SYW.
Phi don ban ong eiei?