Nongstoiñ: Ka Seng FKJGP Kyrshai Area Unit ka pynrem jur ia ka jingleh riew khlaw bad jingleh riew dum jong ki pulit Assam ha kaba ha ka10 tarik kila leit ban pynjot pynpra pum ia ka jingkieng ba shna shipor ban iaid kali na Ukiam sha Kharshai tang ha por tlang ba rit ka um jong wah Kyrshai.
Katkum ka kyrwoh khubor bala phah da u U bah Francis Sohshang President ka Seng FKJGP Kyrshaihai Aria Unit bad u bah Provin Snar General Secretary ka Seng kila iathuh ba ka jingthmu ban shna ia katei ka jingkieng ba shipor ka long ban ioh kit ioh bah ia ki mar ki mata khamtam ha kane ka por tlang namar ba rit ka wah Kyrshai.
Shuh shuh kila iathuh ruh ba ki trai shnong ki ioh ia ka lad ban kit ban bah da ki kali ha kum kine ki por tlang bad ki shnong ba ioh jingmyntoi lyngba katei ka jingkieng ba shipor ki long ka shnong Kyrshai,Nongspung bad Mawpon bad la ong ruh kine ki shnong kim don surok ban kit ban bah, ka jingshna ia kane ka jingkieng kala iarap shi kadei eh iaki tei ki shnong ban kit ban bah khamtam ha ka pang lada shitom.
Hynrei kila ong pat ba katei ka jingwan leh dusmon jong ki pulit jong Assam kata ban pynjot pynpra noh ia katei kma jingkieng kala pynduh nong jur ia ki paidbah katei ka thaiñ kumta na ka liang jong ka Seng ka dawa na ka sorkar Jylla ba kan wan buh noh ia ka police outpost ha Kyrshai.
Haduh mynta la ong ba katei ka thaiñ ka don tang ia ka border wing ka bym don bor ei ei ban ai jingiada ia u paitbah bad ka thaiñ, kumta ka Seng ka dawa ba ka sorkar Jylla kala dei ban buh kyrkieh noh ia ka outpost khlem da pynslem shuh ban lait na ki jingshah thombor ha ki pulit Assam.
Phi don ban ong eiei?