4lak ngut ki poi wir, kin ioh long trai Jylla ha Assam, ong U Sarma

Guwahati: Haduh 4 lak ki poiwir kin ioh long trai ha ka jylla Assam. U myntri ba dei khmih ia ka pla pisa jong ka sorkar Assam u Himanta Biswa Sarma myn hynnin ka sngi, u la ong ba jylla Assam kan pdiang haduh 4 lak ki poiwir ba kin long trai shnong hapoh ka jylla.

Haba kren bad ki lad pathai khubor ha Guwahati u Himanta Biswa Sarma u la ong ba ka jylla Assam kam pdiang ia ki poiwir thymmai ki ban ioh rung ha ka jylla. U Himanta Biswa Sarma u ba dei ruh u Convener jong ka NEDA u la ong ba kine ki 3 ne 4 lak tam ki poiwir ki dei ruh ki ba la sah lypa ha ka jylla Assam naduh ba synshar ka seng Congress.
Na ka liang u myntri u la ong ba ka sorkar Assam ka long ka ba pynkhreh ban ia kren bad ki ba pyrshah ia ka Citizenship Amendment Act 2019 (CAA) namar bun ki nong pyrshah ki shah ialam bakla sha ki liang pyrshah ka sorkar Assam.