Shen yn sa pyllait paidbah noh ia ka phlim “Ka Nongrim”

Shillong: Ka Khyriem Flim Production ha ka 17 tarik u Kyllalyngkot 2020 kin pynlait paidbah noh ia ka phlim khasi ka ba la ai kyrteng “Ka Nongrim” ha bijoe Cinema Hall.

Ia kane ka phlim yn pyni ha ki saw show ka ban sdang naduh ka 11:30 baje mynstep, 2:00 baje,5:00 baje bad 7:00 baje ha kaba yn pyni paidbah tang artaiew.

Ka jingiathuh khana jong kane ka phlim ka long halor ka kaming kam sem ha ka ba ka don ka jingsneng ia ki khynnah ba im pahuh pahai khlem da pyrkhat ia ka ban wan hadien.

Bun na ki bynta jong kane ka phlim la ringdur ha Ri Bhoi District,bad ka jinglut ia kane ka phlim ka long kumba 7lak tyngka.

Ia kane ka phlim la direct da u Anthony khyriem ha ka ba u la long ruh u nongrwai ka ne ka phlim,u producer da u RK Sayo u ba long ruh u tyngshop kane ka phlim.

Kiwei ki nong ia shim bynta ha kane ka phlim ki long i Ibawansuk Suphai, Arki Paul Thongni,Merina Wahlang,bad Barihun Iawphiaw.

Na ka liang ki nongpynmih kane ka phlim ki la buh ka jingkyrpad ia ki paidbah ba kin ai ia ka jingkyrshan ka ba pura ia ka ne ka phlim “Ka Nongrim.”