Leit hap sa ar tylli ki roket, hynnin ka miet ha ka nongbah Baghdad

Baghdad: Ar tylli ki roket, ki la leit hap hynnin ka miet ha ka jaka kaba la tip green zone, ha ka nongbah Baghdad jong ka Iraq. Katei ka dei ka jaka, ha kaba ki don shibun ki iing sorkar jong ki ri bapher ka pyrthei, kynthup ia ki iing jong ka sorkar America.

Ka jingjia, ka dei ha ka por shiteng synnia, ha kaba la ioh sngew ia ka jingsawa kaba jur shi katdei ha ki bynta jong ka green zone jong ka Baghdad.

Ym shym la tip satia ia kiba pynher ia kitei ki roket, hynrei la shim ba ka dei hi ka jingthmu ban pynhiar kput ia ka America, namar ba ka pyniap ia U Qasem Soleimani u heh shipai jong ka Iran.