Kyntait ka Supreme Court ban tuklar halor ka jingdie dewiong

Shillong: Ka ing bishar ba khlieh duh ka ri India kata ka ‘Supreme Court’ ka la kyntait ia ki mukotduma lane ka Public Interest Legitation (PIL) ba wanrah da u Rakbirthson D. Sangma bad u Tapan Jyoti halor ka jing pyrshah jongu ban die ia u dewiong ba la dep tih lypa lyngba ka ‘e-auction’ ha ka jylla Meghalaya.

U Rakbirthson D. Sangma na thain rilum Garo Hills lem bad u Tapan Jyoti, na ka jylla Assam ki la ai da ka mukotduma halor ka jing die ia u dewiong da ka sorkar Meghalaya ryngkat ka jing ia treilang bad ka Coal India Limited.
Ha ka mukotduma kine baroh ar ngut ki dawa na ka ‘Supreme Court’ ba dei ban khang ia ka sorkar Meghalaya bad dei ban ailad tang ia ka Coal India Limited ban die ia u dewiong lyngba ka e-auction.
Na ka liang ka ‘Supreme Court’ mynta ka sngi ka la kyntait ia baroh ar tylli ki mokutduma bad kane ka la pynlong ia u Rakbirthson D. Sangma bad ia u Tapan Jyoti ban weng noh ia ki mokutduma halor ka jing die ia u dewiong ha ka jylla Meghalaya.