KI KOT KHUBOR: Balei ki khynnah ki donkam ban pule iaki

Kong Linda Kongwang

Ki kot khubor ki long ki bynta kiba kongsan haka jingim. Ho’oid I kumba kam da donkam than mynta ki por hadien ka jingmih ki jait teknoloji bapher bapher hynrei tang kito kiba sngewthuh iaka jing donkam ki kot khubor ki dang pule bad thied iaki. Haka jingshisha ki kot khubor ki dei ki tynrai kiba biang tam ban ioh kum shibun ki jingtip. Ki don shibun bah ki bynta kiba donkam ban kren bad sngewthuh. Ki iohlum jan baroh ki jingkren ne ki sobjek laki dei ki jing jia ha kylleng sawdong ka pyrthei ne ki kam sain hima. Ki kot khubor ki kyntiew iaka jing nang ia bunjait ki kyntien haki jingthoh bad iaka kramar ki nong pule ruh.

Kat kum ka jing wad bniah la shem baka India kadei kadei ka ri kaba lah ban die bun tam ki kot khubor bad daki spah million kopi lah ban die haka shisngi. Hangne ngi dei ban sngewthuh kham bun ki nong India kidei ki riewstad. Ban long kiba shemphang shuh shuh naduh ki por leit skul dei ban hikai ban pule iaki kot khubor ban ioh shibun ki jingmyntoi.
Hangne ki don katto katne ki jingai jingmut balei ki khynnah pule ki donkam ban pule iaki kot khubor.

1.Ka pyn khlaiñ iaka rukom pule jongki khynnah : Ki kot khubor ki dei ki tynrai kiba biang tam eh ban pyn khlaiñ iaka jingpule jong ki khynnah. Ki khynnah ki dei ban nangkiew ka jingmlien ban pule iaki kot khubor man laka sngi. Ban pule iaki kot khubor kadei ka jingmlien kaba pynsmat pynsting iaka jingmut jingpyrkhat bad iaka met kaba lah ban ialam sha ka jingkoit jingkhiah jongki khynnah. Ka jingmlien ban pule kot khubor ka wanrah iaka jingproh jabieng haki jingpule bad nang ruh ban kren bha. Ki khynnah ki ioh shibun ki jingmyntoi halor ki jingpule haki por ban dangwan.

2.Pynjur ban nang kloi iaki ktien bapher bapher : Ban pule kot khubor man laka sngi ka kyntiew iaka jingnang kren ki khynnah haka rukom kaba dei. Ki khynnah pule ki lah ban shem shibun ki jait ktien naki kot khubor. Kilah ban bud shibun ki jait ktien kiba eh bad kiba don jingmut. Kane kan iarap kyntiew iaka jingnang jingstad jongki khynnah. Ka jing nang iabun jait ki jait kyntien kan iarap iaki khynnah ha ka ban pyndep iaki jingthoh ne ki assignments jong ki.

3.Ai jingtip halor ki kam sain hima (politics): Kino kino ki kam sain pyrthei kiba phi tip ne phim tip la pynmih beit haki kot khubor. Ki khynnah pule kiba shim iaki sobjek political science ki ioh shibun ki jingmut bad jingtip shaphang ki kam sain hima na ki kot khubor. Namar kata ki khynnah pule ki dei ban pynmlien ban pule iaki khubor politiks, kane kan kyntiew iaka jing ioh jingtip jong ki khynnah shaphang ki kam sain hima.

4.Ka tynrai kaba biang yam ban ioh jingtip kyllum: Kito ki khynnah kiba smat ban pule khubor manka sngi kidei kiba tbit ban ioh lum jingtip shaphang kiei kiei kiba donkam ban tip. Ki ioh iaki marks kiba heh haka jing ioh lum jingtip (General knowledge) haki jingkyntip (quiz). Ka jingmlien jongki ban pule khubor ka pynjur ban sngewthuh iaki jing wohnia ruh.

5.Iarap ban ai jingtip shaphang ka ri bad ki ri ka pyrthei: Ki kot khubor ki lah ban ai jingtip khala khala kiei kiba dang shu jia haka ri bad baroh ki ri ka pyrthei. Bun jait shaphang ka ioh ka kot, ki kam sain hima, ki jing jia haka imlang sahlang bad kiwei kiwei de lah ban pule ne iohi haki kot khubor. Ka jingiadei bad ki bar ri bad ka rukom synshar ki bar ri lah ban ioh jingtip khambun naki kot khubor hi.

6.Ki jingmyntoi halor ki jingwad bniah : Lyngba ki kot khubor ki khynnah ki ioh shibun ki jingmut shaphang ki jingwadbniah kiba ki pule ne shim bynta. Ki kot khubor ki dei ki thymmei kiba kloi eh ban ioh jingmut bad iaki jingpule. Ki jingwadbniah ne ki jing ioh lum jingtip hangto hangto ruh lah ban ioh naki kot khubor.

7.Kyntiew iaka jingtbit thoh ki khynnah pule: Ka jingpule iaki kot khubor ka kyntiew iaka jingtbit thoh jong ki khynnah. Ka rukom pynwandur iaki jingthoh kan nang kham bha shuh shuh bad phi nang lah ban pynbha iaki jingthoh jingtar ba shu batai kum ki jingthoh assignments kiba la pynkhamti haphi ban pyndep ban pynshoh jingmut iaki nonghikai. Haba ki khynnah ki tbit ban thoh haka rukom kaba dei, ki nonghikai ki shon jingmut bad kane kan iarap iaki khynnah pule ban ioh khambun ki marks haki por eksam.

8.Ki jingpynbyrngia bad ki khubor ialehkai : ki khynnah ki lah ban ioh shibun ki jingpynbyrngia bad ki khubor ialehkai sports. Don bun jait ki jingpynbyrngia bad ki khubor ialehkai kiba pynmih haki kot khubor bad ki khynnah pule ki iohlad ban tip shaphang ki nong ialehkai kiba tbit jongka pyrthei. Ki jingpynbyrngia bad ki jing ialehkai Ki long ruh kiba kongsan naka bynta ki khynnah. Kilah ruh ban ioh kham bun ki buit bad ki jingmut jongka jing ialehkai.

9.Ki khynnah pule ki ioh shibun ki jingtip shaphang ka jingshem bad jingtip thymmai: Ka jinglah ne shem iaki jing thaw thymmai laju pynmih haki kot khubor man laka por. Ki khynnah pule kilah ban ioh jingtip kaba iadei badki jingpule jongki naki kot khubor.

Ka pynlong iaki khynnah ban tbit bad nang kren haki jaka paitbah: Ki khynnah ki ioh shibun ki jingtip shaphang bun jait ki sobjek naki kot khubor. Kilah ban long kiba tbit bad shlur ban kren hakhmat ki paitbah bad kane kan iarap iaki ban shim bynta ha kino kino ki jing ia pyni nia bad ban ai jingkren. Kane kalong kaba donkam naka bynta u nong kren paitbah ban don ka jingnang bad jingtip shibun kiei kiei halor ki sobjek bapher bapher. Haba ki don lypa ka jingtip, ki lah ban kren hakhmat kiba bun. Kane kan nang pynjur iaka jingshlur jong ki khynnah ha kino kino ki jingiatynjuh.

Khatduh, kine ki dei ki jingmyntoi baphi ioh na ki jingpule iaki kot khubor naka bynta ki khynnah pule. Ki kot khubor ym tang baki pynjur iaki khynnah ban nang bun ki kyntien hynrei ka iarap ruh iaki ban nang thoh,pule bad kren kham bha haka rukom kaba dei.