Shillong: Ka Meghalaya Football Association (MFA) kan pynkhreh biang ia ka jingiakhun sha ka kylla ba kut ne final round ka Santosh Trophy mynta u snem.
Ha ka jingpyllait myn hynnin ka sngi, ka MFA kala bthah ia ki nongialehkai ba ki dei ban wan mih noh ha ka 6 tarik Kyllalyngkot 2020 ha madan balai ha Polo, Shillong na ka bynta ban pynkhreh ia ka kylla ba kut kane ka lympung.
Ki nongialehkai ki dei ban wan mih ha ka por 9am thik ryngkat ki tiar ialehkai. Ka Meghalaya kala rung sha ka kylla ba kut kane ka lympung hadien ba kala jop na ka zonal round ba long ha Agartala ha u Nailur mynshem snem da kaba pynliem ia ka Nagaland (6-1) bad ia ka Manipur (1-0).
Ki nongialehkai ka Meghalaya ki long: Padam Chettri, Mebankhraw Wahlang, Batskhem Tariang, Atlanson Kharmaw, Dawanchwa Challam, Sheen Sohktung, Figo Syndai, Raikutshisha Buam, Donlad Diengdoh, Samuel Lyngdoh Kynshi, Nicksen Nongrang, Phrangki Buam, Kenstar Kharshong, Ronaldkydon Lyngdoh Nonglait, Shano Tariang, Belton Lartang, Aenam Jyrwa, Justly Sungoh.
Phi don ban ong eiei?