Khlad u samla ba tynrah ka Scooty, nadien ka trok ha Nongpoh

Nongpoh: Ha ka jingjia aksiden kaba la jia ha Nongpoh, uwei u samla uba la tip kum u Robito Khongjoh (23) snem ka rta na Pahamsyiem, u la duhnoh ia la ka jingim, hadien ba ka Scooty kaba u niah, kaba don ia u number ML-05Q-5446, ka la leit ban tynrah beit nadien jong katei ka Trok kaba don ia u number AS-01-HC-8748, kaba ieng ha mar pyrshah ka skul Oasis ha Nongpoh.

Katei ka jingjia, ka la jia ha ka miet 30 tarik u Nohprah ha ka por 10:30 baje ei ei mynmiet, ha kaba katei scoty kaba u niah, ka la leit ban tynrah nadien jong katei ka trok, kaba ieng ha katei ka jaka bad kaba thmu ban hiar sha Guahati.

Halor katei ka jingjia aksiden, ki paidbah tang mar ia iohsngew, ki la iamih ban leit ai jingiarap ia utei u samla, da kaba rah sha Civil Hospital, hynrei namar ba la jur palat ka jingmynsaw, utei u samla ba un khlad noh na sla pyrthei.