Guwahati: Ka Gauhati High Court (GHC), ka la hukum ia kiba bun ki Deputy commissioner (DCs) bad kumjuh ia ka Bodoland Territorial Council (BTC) ba kan kyndang naphang ia ki bar Jylla, kiba sah ha ki jaka jong ki trai Jylla ha Assam.
Katei ka dei ka jing bishar jong ki arngut ki nongbishar ka Gauhati High Court, kaba kynthup ia U Ajai Lamba Chief Justice bad U Justice Achintya Malla Bujor Barua bad la hukum ruh, ba ki dei ban kyndang naphang ia kitei ki bar Jylla, ha shwa ka 3tarik Rymphang 2020.
La ai ia katei ka hukum sha ki DC jong ka Bongaigaon, Kamrup (M), Morigaon, Sonitpur, bad Tinsukia, nalorkata sha U Principal Secretary jong ka BTC, kaba don saw tylli ki District, kiba kynthup ia ka Kokrajhar, Chirang, Baksa bad Udalguri.
La maham tyngeh ruh ia ki ophisar sorkar, lada jia ba kim pyntrei kam ia katei ka hukum jong ka kashari. La ong shuh shuh ba ki jaka ba ki shong ki sah ki rit paid lane ki traibal, ym dei ban ailad ba kin leit tur ki bar Jylla.
Kaba biang kaba leh ka Gauhati High Court. Hynrei balei ka Meghalaya High Court kam leh kumne? Ne hato Kam Meghalaya High Court kam lah seh ban leh kumba leh ka Gauhati High Court? Lada kam leh bad lada kam lah, ka dei ka jinglehraiñ kaba khraw ia ka Meghalaya hi baroh kawei.