Shillong: Ki don ki lad khubor, kiba iatheh ba U Narendra Modi, myntri rangbahduh, un lah ban thung ia ka Agatha K Sangma, kum ka myntri khynnah ha kane ka sorkar kaba mynta ha Delhi.
Ka jingialang jong ka kynhun myntri, kan long ha ka 3tarik Kyllalyngkot 2020, ha kaba yn iakren ia shibun ki mat bad kynthup ruh ia ka jing pynsmai myntri thymmai ha kane ka sorkar BJP jong U Narendra Modi.
Ki don ki hamsaia kiba iathuh ba ka jing pynheh ia ka kynhun myntri, kan lah ban long ha ka taiew ba kut jong U Kyllalyngkot 2020. Hadien ka jing pynsmai myntri ha ka 30tarik Jymmang 2019, kam shym la don shuh kano kano ka jing pynheh myntri jong ka sorkar BJP ha Delhi.
Phi don ban ong eiei?