Rakhe ka Sein Kyntu Sein Raij, ia ka lyngkhuh sngi iap U Kiang Nangbah

Shillong: Ka Seiñ Kyntu Seiñ Raij12 Daloi ka la pynlong ia ka jingrakhe ia ka lyngkhuh sngi iap ba157 snem u Khlawait ka Ri Jaintia u Woh Kiang Nangbah ha kti ka Sorkar Phareng ha u snem1862.

Ia kane ka programme la pynlong ha ka office treikam jong ka Seiñ Kyntu Seiñ Raij12 Daloi ka ba don ha Thadmuthlong C Phramer West Jaintia Hills District. Ha shwa kane ka program, ha ka por step ka don ka jingia kynduh lang ki khun jong ka Seiñ Raij Muthlong bad ki nongkitkam ki dkhot bad ki tnad Seiñ Raij bapher bapher ha ka Bair Seiñ Raij Muthlong bad hadien kane ka la sdang da ka jing ia iaid paidbah naduh na Biar Seiñ Raij Muthlong shaduh ka office Treikam ka SKSR -12 Daloi ha Thadmuthlng C Phramer ha ryngkat ka risa ka hynhoi da ki ktien phawar.

Ka la don ka jing leit buh syntiew ha ka jing ialam da u President ka Seiñ Kyntu Seiñ Raij -12 Daloi u Rgh, Wom Chyrmang ryngkat ka jing ia don lang u Rgh, Meliyo Lyngdoh u ba long ruh u President ka Seiñ Raij Muthlong. u Dr. GL Niang u Ex-President ka Seiñ Kyntu Seiñ Raij 12 Daloi, bad u Rgh, Moses Lyngdoh u Langdoh Niam ka Raij Dienchynrum lem bad ki paidbah jong ka thain.
Hadien ka jing buh syntiew la ioh ruh ka jing shad lariti tynrai bad ka shad Pastieh na ka Seiñ Raij Nangbah bad ia ka jing Shad Kyllain Wait na ka Seiñ Raij Mukhla.