Kurup masi biang ki shipai BSF sa 175 tylli

Ki shipai Border Security Force, ki la ioh kurup ia 699 tylli ki masi na khappud jong ka India Bangladesh, ha kane ka shi taiew.

Ha ka 27 bad 28tarik Nohprah 2019, ki shipai Border Security Force, ki la ioh kurup ia 175 tylli ki masi na khappud.

Ha ka 27tarik, la talasi ha Jaliakhola Out Post bad ha Kuliang Border out Post, ha kaba la ioh kurup ia 139 tylli ki masi ha ka khlaw kaba hajan hi bad ha ka miet jong ka 27, 28tarik, ha kawei pat ka jing talasi la ioh kurup ia 36 tylli ki masi, kiba shongdor T.39.44lak. La iathuh ba kitei ki masi, ki dei kiba la dep die pateng, hynrei ki la poi biang sha ki kti jong kitei ki nongkhaii tuh, kiba shalan ia kitei ki mar sha Bangladesh.