Duna briew biang ka Congress ha GHADC

Shillong: Hadien ka jing wan kyrshan u MDC ka seng Bharatiya Janata Party (BJP) u Bhupender Hajong sha ka National People’s Party (NPP) ka la pynlong biang ia ka Congress ban long rit paid biang hapoh ka Garo Hill Autonomous District Council (GHADC).

Ka seng Congress ka don ha ka liang pyrshah hapoh ka GHADC.
Kumba shu pyn kynmaw u MDC ka BJP u Bhupender Hajong u la kyrshan ia ka liang pyrshah ka Congress ha ka por ba ka don ka jing ia jied Deputy Chairman hapoh GHADC. Mynta ka taiew u Bhupender Hajong u la leit ban ia kynduh ia u Chairman ka GHADC u Denang T Sangma bad ia u Chief Executive Members (CEM) u Dipul Marak ban pyn shai ia ka jin gkyrshan jong u ia ka EC ba lam khmat da ka NPP.
Ka jing wan kyrshan jong u MDC ka BJP u Bhupender Hajong ka la pynioh ia ka EC jong ka NPP sha ka 16 bad kane kan ailad ia ka EC ba mynta ban treikam khlem da don jing thut ei ei hapoh ka GHADC.