Kynthoh ki nongsaid ain ia ka jing kren ka kong Ampareen, ia ka CAA

Shillong: U nong iasaid ain hapoh ka Supreme Court ka ri India u bah Peter A Dohkrut u la kam ba ka jing kren ka MLA ka seng Congress ka Ampareen Lyngdoh halor ka PIL pyrshah ia ka CAA 2019 ka la pynduh mynsiem ia bun paidbah namar ba ka ong ba ka Supreme Court kam treh ban pyn sngew ia ki PIL pyrshah ia ka CAA hapoh ka Supreme Court.

U Peter A Dohkrut u la ong ba ki la don haduh 60 tylli ki PIL ba la mudui pyrshah ia ka CAA 2019, bad ar tylli ki dei na ka jylla Meghalaya. U la ong ruh ba ka Supreme Court ka la pdiang ia ki PIL bad ka la dep phah kyrwoh ruh sha ka sorkar kmie ban jubab ia ki ha u kylla lyngkot 2020.

U nong iasiad ain u la ong ba ka Suprem Court ka la buh ia ka tarik ban sngap ia kine ki PIL pyrshah CAA 2019 ha ka 22 tarik kyllalyngkot 2020.
“Ka kong Ampareen kam don hok re ban kren pynduh mynsiem ia ki paidbah ki ba shaniah ia ki PIL ba la mudui hakhmat ka ing bishar ba khlieh duh ka ri, namar ka kong Ampareen ka khlem mudui PIL pyrshah ia ka CAA ha Supreme Court” u la bynrap.
U Peter A Dohkrut u la kyntu ruh ia ka sorkar Meghalaya ban mudui da ka PIL pyrshah ia ka CAA 2019 namar ka la iaid lait ia ka riti shynshar ka ri India baroh kawei.